ओलीले नै राष्ट्रपतिलाई सम्मानको शिखरबाट ओरालेका हुन्ः गगन थापा

काठमाडौं । नेपाली कांग्रेसको विज्ञप्तिमा राष्ट्रपतिलाई तिमी भनेकोमा प्रधानमन्त्री केपी शर्मा ओलीले आक्रोस पोखेलगत्तै नेपाली कांग्रेसका युवानेता गगनकुमार थापाले त्यसको जवाफ गणतन्त्रमा दर्जाले होइन, कामले सम्मान आर्जन गर्ने हो भनेर दिएका छन् । थापाले ओलीकै कर्म र प्रवृत्तिले भण्डारीलाई सम्मानको शिखरबाट ओरालेको बताएका छन् ।

ओलीलाई सामाजिक संजालमा थापाले यसरी जवाफ दिएका छन्–राष्ट्रपतिलाई तिमी भनेकोमा खड्ग ओलीलाई चित्त दुखेछ, बिचरा ! गणतन्त्रमा सम्मान दर्जाले होइन कामले आर्जन गर्ने हो कमरेड !!

थापाले प्रश्न गरेका छन्–‘सम्माननीय राष्ट्रपति’बाट तपाईं हुँदै तिमीमा कसले ओरालेको ?

आफ्नै कर्म र प्रवृत्तिले विद्या भण्डारीलाई  सम्मानको शिखरमा अडिन नसकेर ओरालेको हो ।