प्रधानमन्त्रीलाई पदमुक्त नगरी राष्ट्रपतिद्वारा नयाँ सरकार गठनका लागि आह्वान

काठमाडौं । प्रधानमन्त्री केपी शर्मा ओलीलाई पदमुक्त नगरी राष्ट्रपति विद्यादेवी भण्डारीले संविधानको धारा ७६(५) अनुसार नयाँ सरकार गठन गर्न आह्वान गरेकी छन् । बिहीबार उनले नयाँ सरकार गठनका लागि शुक्रबार ५ बजेसम्मको समय दिएर दलहरुलाई आह्वान गरेकी छन् । उनले बिहीबार साँझ नयाँ सरकार गठनका लागि २१ घन्टाको समय दिएर सूचना जारी गरेकी छन् ।

प्रधानमन्त्री केपी शर्मा ओलीले बिहीबार दिउँसो विश्वासको मत नलिने बताएका थिए । उनले विश्वासको मत नलिई वैकल्पिक सरकार गठनका लागि बाटो खुल्ला गर्ने घोषणा गरेगरेलगतै राष्ट्रपतिले नयाँ सरकार गठनको आह्वान गरेकी हुन् । राष्ट्रपतिले संविधान अनुसार प्रधानमन्त्रीलाई पदमुक्त गरेपछि मात्र बैकल्पिक सरकार गठनका लागि आह्वान गर्नुपर्ने हो । तर उनले प्रधानमन्त्रीलाई पदमुक्त नै नगरी बैकल्पिक सरकार गठनको लागि आह्वान गरेकी छन् ।