राष्ट्रियसभा उपनिर्वाचन: प्रारम्भिक मतगणनामा देवकोटाको अग्रता

काठमाडौं । वागमती अन्य समूहको रिक्त एक सिटका लागि विहीबार भएको उपनिर्वाचनको मतगणना जारी छ। मतगणनाको प्रारम्भिक नतिजामा स्वतन्त्र उम्मेदवार डा. खिमलाल देवकोटाले अग्रता बनाएका छन्।

यो समाचार तयार पार्दासम्म स्थानीय तहको मतभारको गणना हुँदा देवकोटाले २३०४ मतभारत प्राप्त गरेका छन् भने उनलाई पछ्याइरहेका एमालेका रामबहादुर थापा बादलले १८५४ मतभारत प्राप्त गरेका छन्। नेमकिपाको उम्मेदवारले ३६ मतभार प्राप्त गरेका छन्।

स्थानीय तहका २३८ मत मध्ये २३३ मत खसेको थियो। स्थानीय तहमा देवकोटाले १२८, बादलले १०३ र नेमकिपाले २ मत पाएका छन्।

एमालेले बादललाई उम्मेदवार बनाएको थियो भने विपक्षी गठबन्धनको समर्थनमा देवकोटा स्वतन्त्र उम्मेदवार बनेका थिए