राष्ट्रियसभा उपनिर्वाचनबारे विवेकशीलले भन्यो – ‘नो भोट’ (विज्ञप्तिसहित)

काठमाडौँ। विवेकशील साझा पार्टीले बागमती प्रदेशतर्फको राष्ट्रियसभा सदस्य पदका लागि आज भइरहेको उपनिर्वाचनमा मतदान नगर्ने भएको छ । 

आज पार्टीको बागमती प्रदेश संसदीय दलका नेता रमेश पौड्यालले एक विज्ञप्ति जारी गर्दै पार्टीले निर्वाचन प्रक्रियामा सामेल नहुने निर्णय गरेको जानकारी दिए ।

‘चुनावी मैदानमा प्रतिस्पर्धारत तिनै जना उम्मेदवारहरूबाट राष्ट्रिय सभामा हामीले अपेक्षा गरेको भूमिका निर्वाह हुनेछ भन्नेमा आश्वस्त हुन नसकेकोले विवेकशील साझा पार्टीले यस निर्वाचन प्रक्रियामा सामेल नहुने निर्णय गरेको छ,’ विज्ञप्तिमा उल्लेख छ ।

यस्तै, विज्ञप्तिमा भनिएको छ, ‘विवेकशील साझा पार्टीले स्थापनाकालदेखि नै उठाउँदै आएको मतपत्रमा ‘नो भोट’ को विकल्प शीघ्र लागु गर्न पनि सरकार र निर्वाचन आयोगसमक्ष माग गर्ने निर्णय भएको छ।’

बागमतीमा नेकपा एमालेबाट रामबहादुर थापा ‘बादल’, विपक्षी गठबन्धनबाट डा. खिमलाल देवकोटा उम्मेदवार रहेका छन् ।

हेर्नुहोस् विज्ञप्ति: