‘पाखण्डीपन’ र ‘गद्दार’को संज्ञा दिएका नेपाललाई सूर्य थापाले भने – बल्ल सही संगतमा आउनुभयो

काठमाडौँ। नेपाल कम्युनिष्ट पार्टी (नेकपा) एमालेका नेता एवं प्रधानमन्त्री केपी शर्मा ओलीका प्रेस सल्लाहकार सूर्य थापाले पार्टीका नेता माधवकुमार नेपाल बल्ल सही संगतमा आएको बताएका छन्। 

कहिले ‘पाखण्डीपन’ त कहिले ‘गद्दार’को संज्ञा दिएका सल्लाहकार थापाले हिजो अध्यक्ष ओली पुन: प्रधानमन्त्रीमा नियुक्त भएपछि यस्तो बताएका हुन्। 

आज बिहान सामाजिक सञ्जालमा प्रधानमन्त्री ओली र नेता नेपालको फोटो पोष्ट गर्दै  थापाले विशेष क्षणको उपमा समेत दिएका छन्। 

ट्वीटरमा उनले लेखेका छन्, ‘विशेष क्षण – पुष्पकमल दाहालले आफ्नाे गुटकाे स्थायी कमिटी बैठकमा हिजाे भन्नुभएछ-“माधव नेपालजीले धाेका दिनुभयो, गठबन्धनको सरकार नबन्ने भयाे।” धाेका नै दिनुभएको हाे कि हाेइन? तर पाेजिसन चेन्ज गरेर हामी एमालेहरू भन्छाैं-एकदम सही गर्नुभयो माधव कमरेड ! बल्ल तपाईं सही संगतमा आउनु भयाे। ‘