ओली-नेपालबीच सहमति: बहुमतको सरकार बन्ने सम्भावना टर्याे

काठमाडौं । नेकपा एमालेका अध्यक्ष एवं प्रधानमन्त्री केपी शर्मा ओली र पूर्वप्रधानमन्त्री माधवकुमार नेपालबीच पार्टीलाई एक बनाएर जाने सहमति भएको छ ।

आज दुई नेताबीच चपली हाइटमा भएको बैठकपछि एकता जोगाएर बढ्ने सहमति भएको हो । स्रोतका अनुसार दुइ नेताबीच जेठ २, २०७५ लाई टेकेर एमालेको नवौं महाधिवेशनका पदाधिकारीहरु सबै यथावत् हुने गरी सहमति बनेको बुझिएको छ । 

ओली र नेपालबीच सहमति भएसँगै नेकपा एमालेका २० प्रत्यक्ष निर्वाचित सांसदहरुको राजीनामा टरेको छ । नेपालले बैठकपछि राजीनामा टरेको प्रतिक्रिया दिइसकेका छन् ।

जसपाका नेताद्वय महन्थ ठाकुर र राजेन्द्र महतोले बिहीबार विहान देउवालाई भेटेर नयाँ सरकार गठनमा साथ नदिने बताइसकेका छन् ।

यसरी हेर्दा अब बहुमतीय सरकार गठनको सम्भावना टर्दै गएको देखिन्छ ।