देउवा र महन्थबीचकाे वार्ता असफल, महन्थले नयाँ सरकार गठनमा साथ नदिने

काठमाडाैं । नेपाली काँग्रेस र जनता समाजवादी पार्टी नेपाल (जसपा) को महन्थ ठाकुर पक्षबीच बिहीबार भएको वार्ता विफल भएको छ ।

देउवा र जसपाको महन्थ ठाकुर पक्षबीच भएको छलफलमा देउवाकाे आग्रहलाई ठाकुरले अस्वीकार गरेपछि वार्तामा विफल भएको हाे ।

देउवा निवास बूढानीलकण्ठमा भएको वार्तामा जसपा अध्यक्ष ठाकुरले आफूहरु सरकार निर्माणको दौडमा नरहेको बताउदै देउवाकाे आग्रह अस्वीकार गरेका हुन् ।  

जसपा नेपालले राखेको माग पुरा गर्न आफूहरु तयार रहेको र त्यसका लागि मिलेर सरकार बनाउन देउवाको प्रस्ताव राखेपनि जसपा नेपालले राखेको माग कहीँबाट पुरा नहुने देखेर आफूहरु तटस्थ बस्ने निर्णय गरेको ठाकुरले जवाफ दिएका थिए ।