कांग्रेसले सांसद किनबेच गरेर सरकार बनाउन खोजेको कमल थापाको आरोप

काठमाडौँ। राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले अहिले देशको संकट समाधानको उपाय भनेको चुनाव मात्र भएको बताएका छन्। 

अहिले देशमा भइरहेको संकट समाधानका निम्ति निस्पक्ष चुनावको वातावरण सुनिश्चित गरी ६ महिनाभित्र चुनावमा जान आग्रह गर्दै अध्यक्ष थापाले यस्तो बताएका हुन् । 

नयाँ सरकार गठनमा नेपाली कांग्रेस लागिपरेको बेला अध्यक्ष थापाले सांसद किनबेच गरेर सरकार बनाउने कांग्रेसको गलत संस्कारले प्रजातन्त्र विकृत हुने उल्लेख गरेका छन्। 

सामाजिक सञ्जाल ट्वीटरमा उनले लेखेका छन्, अपवित्र गठवन्धन बनाएर,पार्टी फुटाएर,सांसद किनबेच गरेर सरकार बनाउने गलत संस्कार/अभ्यासले कंग्रेसको भलो गर्दैन,प्रजातन्त्र विकृत हुन्छ,

निष्पक्ष चुनावको वातावरण सुनिश्चित गरी ६महिना भित्र नयॅा चुनावमा गरौं।विगतका त्रुटि कमजोरी हटाऔॅ।चुनाव मात्र विद्यमान संकटको समाधान हो।’