देउवाको प्रधानमन्त्री बन्ने दौडमा ठाकुरकाे तगाराे

काठमाडौं । प्रधानमन्त्री केपी शर्मा ओली पदमुक्त भएपछि राष्ट्रपति विद्यादेवी भण्डारीले ३० वैशाखको विहानसम्म बहुमतको नयाँ सरकार निर्माणको आव्हान गरेकी छिन् । 

सो आव्हान बमोजिम देउवालाई प्रधानमन्त्री प्रस्ताव गरेर काँग्रेस, माओवादी र जसपाको संयुक्त सरकारका लागि निवेदन दिने तयारी समेत भएको छ ।

जनता समाजवादी पार्टीका अध्यक्ष उपेन्द्र यादवले देउवा र प्रचण्डसँग संयुक्त हस्ताक्षर गरी बहुमतको प्रधानमन्त्रीको आव्हान गर्न राष्ट्रपतिलाई आग्रह समेत गरेका थिए ।

तर, उक्त हस्ताक्षरप्रति ठाकुरले गम्भीर आपत्ती व्यक्त गर्दै मध्यराति विज्ञप्ति जारी गरे । यसले नयाँ राजनीतिक घटना विकास भएको छ ।

ठाकुरले कुनै हालतमा देउवालाई प्रधानमन्त्री बन्न नदिने निकटस्थसँग भनेको बुझिएको छ ।

राष्ट्रपति विद्यादेवी भण्डारीलाई जसपाको नयाँ सरकार निर्माणमा कसैलाई साथ नभएको पत्र ठाकुरले बुझाउने निर्णय लिइसकेका छन् ।

यसरी हेर्दा देउवाको प्रधानमन्त्री बन्ने दौडमा जसपाका अध्यक्ष महन्थ ठाकुर बाधक बनेकाे देखिन्छ ।

माधवकुमार नेपाल पक्षका २० सांसदले राजीनामा गर्नुपर्ने र गरेपछि पनि उपेन्द्र यादवले देउवालाई प्रधानमन्त्री बनजाउन कम्तिमा १७ सांसदको साथ पाउनुपर्ने अवस्था सृजना भएको छ ।

योसँगै देउवाको प्रधानमन्त्री बन्ने सम्भावना कमजोर बनेको छ ।