आज गण्डकीमा मुख्यमन्त्रीको छिनोफानो हुँदै

कास्की। गण्डकी प्रदेशमा मुख्यमन्त्रीको छिनोफानो हुँदैछ। आज प्रदेशमा नयाँ सरकार गठन गर्न प्रदेश प्रमुख सीताकुमारी पौडेलले दिएको समयसीमा  सकिँदैछ। 

मंगलबार अपरान्ह ५ बजेभित्र दलहरुले बहुमत जुटाउन सकेनन् भने ठुलो दलका नेतालाई प्रदेश प्रमुख पौडेलले मुख्यमन्त्री नियुक्त गर्न सक्ने सम्भावना छ।

आइतबार एमाले नेता पृथ्वीसुब्बा गुरुङले मुख्यमन्त्री पदबाट राजीनामा दिएपछि प्रदेश प्रमुख पौडेलले सोही दिन तीन दिनभित्र सरकार गठन गर्न दलहरुलाई आह्वान गरेकी थिइन्।

प्रदेश सभामा कुनै पनि दलको एकल बहुमत नभएका कारण संविधानको धारा १६८ को उपधारा २ अनुसार दुई वा दुई भन्दा धेरै दल मिलेर बहुमतको सरकार बनाउन उनले आह्वान गरेकी हुन्।