राष्ट्रियताको पक्षमा अघि बढेको सरकारलाई विश्वास नगर्नुपर्ने कुनै कारण नभएकाे ओलीकाे दाबी

काठमाडाैं । सोमबार प्रतिनिधिसभामा आफ्ना लागि विश्वासको मत माग्दै प्रधानमन्त्री केपी शर्मा ओलीले यो सरकारलाई विश्वास नगर्नुपर्ने कुनै कारण नभएको दाबी गरेका छन्।

उनले राष्ट्रियता, स्वाधिनता, भौगोलिक अखण्डताको रक्षा र पहरेदारीमाथि उठाउने विषयमा कुनै कसर बाँकी नराखेको बताउदै विश्वास नगर्नुपर्ने कुनै कारण नभएको दाबी गरेका हुन् ।

विचारकै कारणले सरकारलाई अविश्वास गर्नुपर्ने कारण नरहेको भन्दै उनले  सुशासन, शान्ति सुव्यवस्था र राष्ट्रिय समस्या समाधान सरकारले गरेको दाबी गरे ।

‘राष्ट्रियताको पक्षमा उपलब्धिपूर्ण रुपमा अघि बढेको सरकारलाई विश्वास गर्नु नपर्ने कुनै कारण छैन,’ उनले भने ।