जसपाकाे तटस्थ बस्ने निर्णय, ओलीले विश्वासको मत नपाउने पक्का

काठमाडाैं । जनता समाजवादी पार्टीका अध्यक्ष महन्थ ठाकुर र नेता राजेन्द्र महतोले प्रधानमन्त्री केपी शर्मा ओलीलाई भेटेर विश्वासको मत दिन नसक्ने बताएका छन्।

देउवासँग झन्डै डेढ घन्टा कुराकानी गरेका ठाकुर र महतोले प्रधानमन्त्री केपी शर्मा ओलीलाई भेटेर आफ्ना माग सम्बोधन नभएकाे भन्दै विश्वासको मत दिन नसक्ने बताएका हुन् ।

आज बालुवाटारमा पुगेर ठाकुर र महतोले प्रधानमन्त्री ओलीसँग भेटवार्ता गरेका थिए।

आफ्ना नेता तथा कार्यकर्तालाई लगाइएका मुद्दा फिर्ता के हुँदैछ भन्ने ठाकुर र महतोकाे प्रश्नकाे जवाफमा प्रधानमन्त्री ओलीले कतिपय मुद्दा अदालतको अनुमतिमा गर्नुपर्ने खालका रहेको बताएका थिए

यस्तै अध्यक्ष ठाकुर र महतोलाई प्रधानमन्त्री ओलीले विश्वासको मतबारे कुरा के हो भनेर सोधेका थिए।

आफूहरुकाे माग सम्बोधन नभएकाे बताउदै ठाकुर र महतोले ओलीलाई विश्वासको मत नदिने तर विपक्षमा पनि मत नदिइ आफूहरु तटस्थ बस्ने बताएको बालुवाटार स्रोतले बताएको छ ।

अर्का अध्यक्ष बाबुराम भट्टराई र उपेन्द्र यादव पक्ष प्रधानमन्त्रीबाट ओलीलाई हटाउनुपर्नेमा पहिलैदेखी उभिएका छन् याे अवस्थामा अब जसपाले ओलीलाई विश्वासको मत नदिने  लगभग निश्चित देखिन्छ ।