विराटनगर । नेकपा (माओवादी) अध्यक्ष गोपाल किराँतीले नेपालको निर्वाचन प्रणाली नै परिवर्तन गर्नुपर्ने टिप्पणी गरेका छन् ।
विराटनगरमा पत्रकार सम्मेलन गर्दै उनले वर्तमान निर्वाचन प्रणाली दलाल पुँजीवादी भएकाे टिप्पणी गर्दै खर्चिलो भएकाले परिवर्तन गर्नुपर्ने बताएका हुन् । उनले भने यसलाई खारेज गरेर समाजवादी निर्वाचन प्रणाली लागू गर्नु पर्छ ।’
निर्वाचन प्रणाली महङ्गो भएको बताउँदै उनले बैदेशिक ऋणले नेपाललाई खोक्रो बनाएको बताए । ऋणले लोभले करप्सन बढाएको बताउँदै उनले आफ्नो पार्टी नेतृत्वमा आए विदेशी ऋण खारेज गरिने बताए ।आफू सरकारमा गएकाे खण्डमा सम्पूर्ण वैदेशिक ऋण खारेज गर्ने र विकासका लागि स्थानीय तहलाई सशक्त बनाउनुपर्ने उनकाे भनाइ थियाे ।
