काठमाडौं – चकलेट धेरैलाई मनपर्ने खानेकुरा हो । बच्चाले त झन चकलेट धेरै नै रुचाउने गर्छन् ।
हामिले बजारमा चकलेट एक दुई रुपैयामा पाउने गर्छौं । धेरै महँगो चकलेट पनि ५० देखी १०० रुपैयासम्म मात्र हुन्छ । तर तपाईलाई थाहा नहुन सक्छ यस्तो चकलेट पनि हुन्छ, जसको मूल्य निकै महँगो हुन्छ ।
पोर्चुगलमा संसारकै सबैभन्दा महंगो चकलेट बनाइएको छ। जसको मूल्य लाखौ पर्ने गर्छ । विशेष प्याकेजमा बेचिने यो चकलेट सुनचादी बेचे जसरी नै बेच्ने गरिन्छ । ग्लोरियस चकलेट यूएई, रुस, अंगोला र अर्जेन्टिना पठाइन्छ।
यस चकलेटले गिनिज बूक अफ वर्ल्ड रेकर्ड्स पनि राखेको छ । यस चकलेटलाई विश्वकै सबैभन्दा महँगो चकलेटको सर्टिफिकेट दिइएको छ । इन्टरनेसनल चकलेट फेस्टिभल अफ ओबिडोसमा चकलेट बोनबोन प्रदर्शन गरिएको थियो ।
सुनको पोलिस लगाइएको यस चकलेटको मूल्य १० लाख रुपैयाँ पर्ने बताइएको छ । भनिएको छ की यस चकलेटमा अनेकौं तत्त्वहरू छन् र यसलाई बनाउन एक वर्ष लागेको थियो ।
-एजेन्सी
