अन्नपूर्ण इको भिलेज रिसोर्ट पुगे प्रधानमन्त्री बालेन

पोखरा । प्रधानमन्त्री बालेन शाह कास्कीको माच्छापुच्छ्रे गाउँपालिका–६ अस्तामस्थित अन्नपूर्ण ईको भिलेज रिसोर्ट पुगेका छन् ।

उनी आज पोखरा हुँदै अस्ताम पुगेका हुन् । उनी दिउँसो ३ बजे रिसोर्ट पुगेका हुन् ।

प्रधानमन्त्री तथा मन्त्रिपरिषद् कार्यालयका अनुसार, उनी पूर्णतस् पारिवारिक भ्रमणका लागि त्यसतर्फ गएका हुन् ।

रिसोर्ट सञ्चालक विश्व अधिकारीका अनुसार प्रधानमन्त्रीका निम्ति यसअघिनै रिसोर्टका कोठाहरू बुकिङ गरिएका छन्।

यतिबेला रिसोर्टमा नेपाली सेना र नेपाल प्रहरीको टोली परिचालन भएको छ। बाहिरी व्यक्तिलाई रिसोर्टमा प्रवेश निषेध गरिएको छ।

उनी आज सोही रिसोर्टमा बस्नेछन् भने भोलि त्यहाँबाट मुस्ताङ जाने कार्यतालिका छ ।