बाढीपहिरोका कारण आज यी राजमार्ग छन् अवरुद्ध

काठमाडौँ। वर्षाको कारण आएको बाढीपहिरो, भास र कटानका कारण देशका विभिन्न राजमार्ग आज पनि अवरुद्ध भएका छन्।

प्रहरी प्रधान कार्यालयका अनुसार इलाममा मेची राजमार्ग, काभ्रेमा बीपी राजमार्ग, मकवानपुरमा कान्ती लोकपथ, सिन्धुपाल्चोकमा अरनिको राजमार्ग बाढी पहिरोको कारण अवरुद्ध छन्।

त्यसैगरी रसुवामा त्रिशूली-मैलुङ-स्याफ्रुबेसीँ सडक, धादिङमा पृथ्वी राजमार्ग, लमजुङमा मध्पहाडी लोकमार्ग, रुकुमपूर्वमा पनि मध्यपहाडी लोकमार्ग र रुकुम पश्चिममा भेरी करिडोर सडक पनि बाढी पहिरोले अवरुद्ध छन्।

त्यसैगरी बाग्लुङमा कालीगण्डकी करिडोर, लमजुङमा बेनी(जोमसोम सडक र भेजपुरमा मध्यपहाडी राजमार्गमा एकतर्फी मात्रै गाडी गुडेका प्रहरीले जनाएको छ।

प्रहरीले वर्षायाममा पहिरो, बाढी तथा सडक कटानको जोखिम कायम रहेकाले यात्रा गर्नुअघि सम्बन्धित निकायबाट सडकको अवस्थाबारे जानकारी लिन सर्वसाधारणलाई आग्रह गरेको छ।