प्रधानमन्त्रीलाई सांसद केसीको प्रश्न: एक्लै हिँड्ने लहड हो कि एक्लै पर्नुभएको ?

काठमाडौं । नेपाली कांग्रेसका सांसद अर्जुननरसिंह केसीले प्रधानमन्त्रीको एक्लै हिँड्न खोजेको हो कि एक्लै परेको हो थाहा पाउन नसकेको बताएका छन् ।

आज मंगलबार प्रतिनिधिसभाको बैठकमा बोल्दै उनले यस्तो बताएका हुन् । ‘प्रधानमन्त्रीको एक्लै हिँड्ने लहड हो कि एक्लै पर्नुभएको?’ केसीको प्रश्न छ ।

देश र जनताको हितमा सिंगो संसद् प्रधानमन्त्रीको साथमा रहेको भन्दै उनले थपे, ‘तर संसद्प्रति तपाईंको उपेक्षा गरेर होइन । आफ्नो जवाफदेहिता ऐच्छिक नमानेर संवैधानिक कर्तव्य पालना गर्नुस् ।’

संवैधानिक संस्थाहरू कार्यपालिकाका लाचार छाँया बन्दै गएको उनले बताए । राम्रा प्रयासहरू पनि हचुवा र विधिविहीन देखिएको उनले बताए ।

लोकतन्त्रमा परिणाम मात्रै होइन, प्रक्रिया पनि लोकतान्त्रिक हुनुपर्ने उनको भनाई छ