आठ डीएसपीको काजसरुवा, बौद्ध बृत्तमा महरा, रोक्का तानिए

काठमाडौं । प्रहरी प्रधान कार्यालयले शुक्रबार साँझ १० डीएसपीको काजसरुवा गरेको छ ।

प्रहरी वृत्त बौद्धमा डीएसपी मदनजीत महरालाई काजसरुवा गरिएको छ । बौद्धका डीएसपी सन्तोष रोकायालाई जिल्ला प्रहरी परिसर काठमाडौं तानिएको छ ।

भोजपुर डीएसपीमा ज्ञानबहादुर खड्का र पोखराको बैदाममा सूर्यबहादुर बोगटीलाई खटाइएको छ । बौद्ध बृत्त र बैदाम प्रहरी कार्यालय डीएसपीका लागि आकर्षक मानिन्छन् ।

डीएसपी यशोधा घले ललितपुरको बाडेगाउँ गएकी छन् । महोत्तरीको गौशालामा डीएसपी मधुसूदन विश्वकर्मा, इप्रका हरिवन, सर्लाहीमा सुरेन्द्रविक्रम बर्तौला र सिराहाको गोलबजारमा दीपक कडेलले जिम्मेवारीबाट सम्हालेका छन् ।

स्रोतका अनुसार बौद्ध बृत्तका डीएसपी रोकायामाथि आर्थिक अनियमिततासम्बन्धी गुनासोका आधारमा तानिएको बताइएको छ ।