ऊर्जा मन्त्रालयको सल्लाहकारमा ऊर्जा विज्ञ विवेक कँडेल नियुक्त

काठमाडौँ । ऊर्जा, जलस्रोत तथा सिँचाइ मन्त्री विराजभक्त श्रेष्ठले ऊर्जा व्यापार तथा पूर्वाधार क्षेत्र हेर्ने सल्लाहकारका रूपमा चितवनका विवेक राज कँडेललाई नियुक्त गरेका छन्।

मन्त्रालयका अनुसार कँडेलले विशिष्ट श्रेणीको सल्लाहकारको जिम्मेवारी सम्हाल्दै नेपालको दीर्घकालीन ऊर्जा सुरक्षा, ऊर्जा नीति निर्माण, आन्तरिक ऊर्जा क्षेत्रको सुधार तथा निजी लगानी प्रवर्द्धनका विषयमा रणनीतिक सुझाव दिनेछन्।

उनले ऊर्जा व्यापार विस्तार, क्षेत्रीय ऊर्जा बजारसँग नेपालको समन्वय तथा ऊर्जा पूर्वाधार विकासलाई प्रभावकारी बनाउने कार्यमा समेत परामर्शदाताको भूमिका निर्वाह गर्ने बताइएको छ।

कँडेलले त्रिभुवन विश्वविद्यालयबाट सिभिल इन्जिनियरिङ अध्ययन गरेका छन्। उनले अमेरिकाको हार्वर्ड विश्वविद्यालयअन्तर्गत केनेडी स्कुल अफ गभर्मेन्टबाट जलवायु, ऊर्जा रूपान्तरण र नेतृत्वसम्बन्धी विशेषज्ञतासहित सार्वजनिक प्रशासनमा स्नातकोत्तर ९एमपीए० गरेका छन्। साथै, नेदरल्यान्ड्सस्थित युनिभर्सिटी अफ टुवान्टेबाट ऊर्जा व्यवस्थापनमा स्नातकोत्तर उपाधि हासिल गरेका छन्।