प्रतिनिधि सभा बैठकको तयारीबारे सभामुखद्वारा दलका प्रमुख सचेतकसँग छलफल

काठमाडौँ । सभामुख डोलप्रसाद (डीपी) अर्यालले प्रतिनिधि सभामा प्रतिनिधित्व गर्ने राजनीतिक दलका मुख्य सचेतक तथा सचेतकहरूसँग छलफल गरेका छन्।

सिंहदरबारस्थित सभामुखको कार्यकक्षमा भएको छलफलमा आगामी बिहीबार बस्ने प्रतिनिधि सभा बैठकको कार्यसूची र तयारीका विषयमा केन्द्रित रहेर छलफल भइरहेको जनाइएको छ।

लामो समयको अन्तरालपछि प्रतिनिधि सभाको बैठक बस्न लागेकाले बैठक सञ्चालनलाई प्रभावकारी बनाउने, दलहरूबीच समन्वय कायम गर्ने तथा आवश्यक संसदीय प्रक्रियाबारे छलफल गर्न सभामुखले दलका प्रतिनिधिहरूसँग संवाद गरेका हुन्।

सभामुखको सचिवालयका अनुसार बैठक व्यवस्थापन र संसदीय गतिविधिलाई व्यवस्थित रूपमा अघि बढाउने विषयमा छलफल भइरहेको छ।