विपक्षीको बिरोधलाई जगदीश खरेलले भने तमासा, सांसदहरू बने थप आक्रोशित 

काठमाडौं । रास्वपाका सांसद जगदीश खरेलले विपक्षी दलले संसद् अवरोध गरेर तमासा देखाएको टिप्पणी गरेका छन् । विपक्षी दलले प्रधानमन्त्रीको उपस्थिति खोज्दै सदनमा विरोध जारी राखेपछि उनले यस्तो टिप्पणी गरेका हुन्।

उनले भने, ‘मलाई आज गहिरोसँग महसुस भयो आठवटा अध्यादेश सरकारले किन ल्याउनुप¥यो भनेर । संसद् यसै गरी चलेर विगत १० वर्षदेखि हामीले ७२ सालमा बनेको संविधान पछि जति ऐन र कानुनहरू संसद्ले बनाउनुपथ्र्यो, त्यो कानुन किन बन्न सकेन भनेर यो तमासाले देखाइरहेको छ । अहिले संसदीय तमासा हामीले देखाइरहेका छौँ ।’

विपक्षी दलहरुले प्रधानमन्त्री बालेन शाहले संसदमा आएर जनताका प्रश्नको जवाफ दिनुपर्छ भन्दै विरोध गर्दै आएका थिए । त्यसमाथि आज सांसद खरेलले तमासा देखाएको भनेपछि विपक्षी सांसदहरू थप आक्रोशित बनेका थिए ।

त्यसअघि सभामखु डीपी आर्यालले विपक्षी दललाई पेलेरै बैठक अघि बढाएका थिए । विपक्षीको विरोधकाबीच कार्यसूची अनुसार पर्यटन विधेयकको सैद्धान्तिक छलफलमा भाग लिन रोस्ट्रममा पुगेका सांसद खरेलले सुरूबाटै विपक्षी सांसदहरूलाई आरोपित गर्ने काम गरे ।

उनको भाषण लगत्तै कांग्रेस सांसद नरेन्द्रकुमार केरूङ खरेलले यस्तो बोल्दा रोस्ट्रमतिर अघि बढ्न खोजेका थिए । तर, उनलाई कांग्रेसका प्रमुख सचेतक बासना थापाले रोकिन् ।