सूर्य थापाको निर्वाचन खर्च २४ लाख १० हजार

काठमाडौ । प्यूठानबाट चुनावमा प्रतिनिधिसभा सदस्यमा उम्मेदवारी दिएका नेकपा(एमाले)का नेता सूर्य थापाले आफ्नो निर्वाचन खर्च सार्वजनिक गरेका छन् । उनले बिहीबार २४ लाख १० हजार निर्वाचन खर्च ३ सय ८९ रुपैयाँ निर्वाचनमा खर्च भएको विवरण निर्वाचन कार्यालय प्यूठानमार्फत् निर्वाचन आयोगमा बुझाएका छन् ।

उनको सबैभन्दा बढी खर्च प्यूठाानका ६४ वटा वडामा कार्यक्रम गर्दा ६ लाख ४० हजार खर्च विवरणमा उल्लेख छ । इन्धनमा ४ लाख ५० हजार ३ सय ९० रुपैयाँ खर्च भएको विवरणमा छ ।

सवारी साधन भाडा २ लाख ९० हजार, खाना तथा आवास खर्च २ लाख ५५ हजार, कार्यालय संचालन खर्च १ लाख ३५ हजार, नमूना मतपत्र छपाई ९५ हजार, प्रेस तथा पम्प्लेट छपाई खर्च ७५ हजार ४ सय, मनोनयन खर्च १० हजार, विबिध खर्च ४ लाख ५९ हजार ४ सय रुपैयाँ लागेको थापाले बुझाएको विवरणमा उल्लेख छ ।

प्यूठानबाट रास्वपाका सुशान्त बैदिक प्रतिनिधिसभामा निर्वाचित भएका छन् भने थापा पराजीत भएका थिए ।