हुम्ला र जुम्लामा रास्वपाको जमानत जफत, टासीले १०६४ मत पाउँदा बिनिताको ४२१ मात्रै

काठमाडौं । राष्ट्रिय स्वतन्त्र पार्टी(रास्वपा)ले देशभरबाट पुराना पार्टीहरुलाई क्लीनस्वीप गर्दा कर्णाली प्रदेशका २ जिल्लामा भने उक्त पार्टीका उम्मेदवारको जमानत नै बचाउन सकेनन् ।

कुनै पनि उम्मेदवारले खसेको जम्मा मतमध्ये सदर मतको १० प्रतिशत मत नल्याए जमानत जफत हुने कानुनी ब्यवस्था छ । तर

हुम्ला र जुम्लाका रास्वपा उम्मेदवारले १० प्रतिशत भन्दा धेरै मत पाएका छन् ।

बिहीबार भएको प्रतिनिधिसभाको निर्वाचनमा रास्वपाका तर्फबाट हुम्लाकी उम्मेदवार टासी ल्हाजोमले १०६४ मत मात्र पाएकी छन् । हुम्लामा नेपाली कांग्रेसका जयपति रोकायाले ८७९७ मत ल्याएर बिजयी भएका छन् ।

त्यसैगरी जुम्लाबाट उम्मेदवारी दिएकी रास्वपाकी बिनिता कठायतले ४२१ मत मात्र पाएकी छन् । जुम्लामा राष्ट्रिय प्रजातन्त्र पार्टीका ज्ञानबहादुर शाही ज्ञानेन्द्रले १४८१६ मत प्राप्त गरी बिजयी भएका छन् ।

बिनिता कठायत यसअघिको संसदमा रास्वपाबाट समानुपातिक सांसद थिइन् ।

टासी ल्हाजोम जेनजी बिद्रोहपछि बनेको सुशीला कार्की नेतृत्वको सरकारमा पर्यटन मन्त्री नियुक्ति हुने निश्चित भए पनि फ्री तिब्बत गतिबिधिमा लागेको भनेर विवादमा ल्याइएपछि रोकिएकी थिइन् ।