कान्छाराम तामाङसहित ९ निर्माण व्यवसायी तथा आपूर्तिकर्ता कालोसूचीमा

काठमाडौं । सार्वजनिक खरिद अनुगमन कार्यालयले विभिन्न ९ वटा निर्माण व्यवसायी तथा आपूर्तिकर्तालाई कालोसूचीमा राखेको छ ।

विभिन्न सार्वजनिक निकायहरूको सिफारिसका आधारमा कार्यालयले बुधबार निर्णय गर्दै सार्वजनिक खरिद ऐन, २०६३ को दफा ६३ (१) बमोजिम कारबाही गरेको हो ।

कार्यालयका अनुसार कालोसूचीमा परेका व्यवसायी तथा आपूर्तिकर्ताहरूले तोकिएको अवधिभर मुलुकभरका कुनै पनि सार्वजनिक निकायको खरिद प्रक्रियामा सहभागी हुन पाउने छैनन् ।

कालोसूचीमा परेका व्यवसायी तथा आपूर्तिकर्ताहरूमा कान्छाराम कन्स्ट्रक्सन कम्पनी प्रालि, श्रीओम अटो ल्युब प्रालि, आर्कटिक कन्स्ट्रक्सन प्रालि, ग्रीन वल्र्ड कन्स्ट्रक्सन प्रालि, अग्रिम–लङभिजन–धनलक्ष्मी जेभी लगायत रहेका छन् ।

कार्यालयले बिहीबार जारी गरेको सूचनामा कालोसूचीमा राखिएका कम्पनीहरू तोकिएको समयावधिसम्म सार्वजनिक खरिद प्रक्रियामा संलग्न हुन नपाउने स्पष्ट गरिएको छ ।