गोकुल बास्कोटाको दलहरूलाई सुझाव : संसद पुनस्थापनाको बाटो छोड, गठबन्धनतिर नलाग

काठमाडौं । नेकपा (एमाले)का नेता गोकुल बाँस्कोटाले सर्वोच्च अदालतले संसद पुनस्र्थापना गरिदेला भन्ने आशामा रहेका दलहरुलाई अब जनमत बटुल्ने बाटो तताउन सुझाव दिएका छन् ।

बुधबार सर्वोच्च अदालतले संसद पुनस्थापनाको मुद्दामा आगामी माघ २८ गतेका लागि पेशी तोकेको छ । यो आदेशले संसद पुनस्र्थापनाको आशामा हिउँ वर्षाएको टिप्पणी बास्ँकोटाले गरेका छन् ।

सामाजिक संजालमा उनले चुनावमा गठबन्न्धन नगर्न सुझाव दिंदै गठबन्धनले जनताको मनबन्धन भत्काउन नसक्ने बताएका छन् ।

बास्कोटा सामाजिक संजालमा लेख्छन्–‘सर्वोच्चले संसद पुनस्थापनाको आशामा हिउँ वर्षाएछ,अब अन्टसन्ट नसोचि जनमत बटुल्न बाटो तताए हुन्छ,जसलाई जित्नु छ ।

फेरि चुनाबमा गठबन्धन नेताको मनबन्धन जनताको हुन्छ । गठबन्धनले जनताको मनबन्धन भत्काउन कठिन हुन्छ । अन्तिममा म्याच फिक्सिङको मौका भने छँदैछ ।