कांग्रेसको केन्द्रीय कार्यसम्पादन समिति बैठक आज पनि बस्दै

काठमाडौं । बदलिंदो राजनीतिक परिस्थिति, निर्वाचन र पार्टीको महाधिवेशनबारे छलफल गर्न नेपाली कांग्रेसको केन्द्रीय कार्यसम्पादन समिति बैठक आज पनि बस्ने भएको छ ।

पार्टी कार्यालयका मुख्य सचिव कृष्णप्रसाद पौडेलले केही दिनदेखि जारी बैठक आज पनि बस्ने जानकारी दिए । उनका अनुसा बैठक बिहान ११ बजे बस्ने छ ।

शनिबार भएको बैठकमा समानुपातिक तर्फका १ सय १० उम्मेदवार चयनको मापदण्ड तयार गरेर नाम चयन प्रकृया प्रारम्भ गरेको बताइएको छ ।

शनिबारको बैठकले विगतको निर्वाचनमा पार्टीको उम्मेदवार वा पार्टीले समर्थन गरेका उम्मेदवारविरुद्ध उम्मेदवार भएका, तिनका प्रस्तावक र समर्थक वा असहयोग गरी अनुशासन विपरीतका काम गरेकाले कारबाहीमा परेकाको निष्काशन, निलम्बन र पार्टीको विधान अनुसार स्वतः कारबाहीमा परेकाको बाँकी अवधि माफी मिनाहा गरेको थियो ।

उनीहरुको क्रियाशील सदस्यता निरन्तर रहने गरी नवीकरण गर्ने निर्णय गरिएको थियो । पार्टी परित्याग गरेकालाई पनि घर फर्कन आह्वान गरिएको थियो ।