१४ वटा कम्पनीलाई कालोसूचीमा राख्ने तयारी, नुवाकोटमा सडकका ११ वटा ठेक्का रद्द

काठमाडौँ । सार्वजनिक खरिद अनुगमन कार्यालयले १४ वटा निर्माण व्यवसायी तथा आपूर्तिकर्ताहरूलाई कालोसूचीमा राख्ने तयारी गरेको छ ।

प्रधानमन्त्री तथा मन्त्रिपरिषद्को कार्यालय अन्तर्गतको यो कार्यालयले आज एक सार्वजनिक सूचना जारी गर्दै ती कम्पनीहरूलाई कालोसूचीमा राख्नु नपर्ने कुनै आधार र प्रमाण भए ७ दिनभित्र लिखित स्पष्टीकरण पेस गर्न अन्तिम मौका दिएको हो ।

विभिन्न सार्वजनिक निकायहरूले दिएको ठेक्का सम्झौता अनुसार काम नगरेको भन्दै ती निकायहरूले निर्माण व्यवसायीहरूलाई कालोसूचीमा राख्न अनुगमन कार्यालयमा लेखि पठाएको सूचनामा उल्लेख छ ।

नुवाकोट डिभिजन सडक कार्यालयको सिफारिसमा अनुगमन कार्यालयले अधिकांश ठेक्का रद्द गर्ने सूचना निकालेको छ । नुवाकोट डिभिजन सडक कार्यालयको सिफारिसमा अनुगमन कार्यालयले अधिकांश ठेक्का रद्द गर्ने सूचना निकालेको छ । १४ मध्ये ११ वटा नुवाकोटका सडकका ठेक्का छन् ।

तोकिएको मितिभित्र कार्यालयमा उपस्थित भई लिखित स्पष्टीकरण नबुझाएमा यी कम्पनीहरूलाई कानुन बमोजिम कालोसूचीमा राख्ने प्रक्रिया अगाडि बढाइनेछ ।