नेपाल प्रहरीको आईजीपीमा दानबहादुर कार्की नियुक्त

काठमाडौं । नेपाल प्रहरीको महानिरीक्षक(आईजीपी)मा दानबहादुर कार्की नियुक्त भएका छन् ।

प्रधानमन्त्री तथा मन्त्रिपरिषद्को कार्यालय सिंहदरबारमा सोमबार साँझ बसेको मन्त्रिपरिषद बैठकले कार्कीलाई आईजीपी नियुक्त गर्ने निर्णय गरेको हो ।

विद्यमान महानिरीक्षक चन्द्रबहादुर खापुङ बुधबारदेखि ३० वर्षे सेवा अवधि पूरा गरी अवकाश हुँदैछन् ।

आईजीपीका लागि चार जना अतिरिक्त महानिरीक्षक (एआईजी) दाबेदार थिए ।

एआईजीहरु दानबहादुर कार्की, राजन अधिकारी, मनोजकुमार केसी, सिद्धिविक्रम शाह आईजीपीका दाबेदार रहेका थिए । तर सरकारले ज्येष्ठता, कार्यक्षमता र अनुभवका आधारमा एआईजी दानबहादुर कार्कीलाई नै नियुक्त गरेको छ ।