देउवासहितका नेताबिरुद्ध लेखिएका ब्यानर च्यात्ने क्रममा प्रहरीसँग काँग्रेसका युवाहरुको घम्साघम्सी

काठमाडौं । नेपाली कांग्रेसका युवाहरूले माइतीघर मण्डलामा कांग्रेस सभापति शेरबहादुर देउवासहितका नेताहरूबिरुद्ध चरित्रहत्या हुनेगरी टाँगिएको तस्वीर अंकित ब्यानर च्यातेर हटाउने क्रममा प्रहरीसँग घम्साघम्सी परेको छ ।

बिहीबार बेलुका माइतीघर मण्डलामा पुगेर कांग्रेस महाधिवेशन प्रतिनिधि चामबहादुर थापासहितका ३०–४० जना युवाहरूले जेनजीको नाममा एक समुहद्वारा शेरबहादुर देउवासहितका नेताहरूलाई ‘भ्रष्टाचारी हुँ’ लगायत उल्लेख गरी टांगिएका तस्बीर र ब्यानरहरू हटाउने क्रममा प्रहरीसँग घम्साघम्सी परेको हो ।

यसअघि बुधबार बेलुका माइतीघरमा राखिएका नेकपा एमालेका अध्यक्ष केपी शर्मा ओली र महेश बस्नेतको तस्वीर अंकित ब्यानरलाई एक समूहले हटाएर काठमाडौं महानगरपालिकाका मेयर बालेन्द्र साह(बालेन) र जेन–जी समूहका अगुवा सुदन गुरुङको तस्वीर अंकित ब्यानर राखेको थियो । साह र गुरुङलाई हिंस्रक, हत्यारा, विदेशी दलाल लेखिएको ब्यानर टाँगिएको थियो ।