संसद् विघटन असंवैधानिक भएको कांग्रेसको ठहर, अन्य दलसँग छलफल गर्ने

काठमाडौं । नेपाली कांग्रेसले संसद् विघटन असंवैधानिक भएको निष्कर्ष गरेको छ । पार्टी कार्यालय सानेपमा बसेको कार्यसम्पादन समितिको बैठकले संसद् विघटन असंवैधानिक भएको निष्कर्ष निकाल्दै यस विषयमा अन्य दलसँग पनि छलफल गर्ने निर्णय गरेको हो ।

साथै बैठकले केन्द्रीय समिति बैठक दशैं अघि नै बोलाउने निर्णय समेत गरेको छ । भदौ २३ र २४ गते भएको जेनजी आन्दोलन नियन्त्रण बाहिर गएपसिछ केपी ओलीले प्रधानमन्त्री पदबाट राजीनामा दिएका थिए । त्यसपछि जेनजीहरुको मागअनुसार अन्तरिम सरकार गठन गरि संसद विघटन गरिएको थियो ।

जेनजी प्रदर्शनकारीले आगजनी गरेका कारण कांग्रेस केन्द्रीय कार्यालय क्षतिग्रस्त बनेको छ । क्षतिग्रस्त कार्यालयमा पहिलोपटक आज उपसभापति पूर्णबहादुर खड्काको संयोजकत्वमा बैठक बसेको हो । बैठकमा सभापति शेरबहादु देउवा भने अनुपस्थित छन् । जेनजी आन्दोलनका क्रममा देउवा दम्पतीमाथि आक्रमण चएपछि उनी उपचाररत छन् ।