सुदन गुरुङमाथि आक्रमण प्रयास, एमाले नेता महेश बस्नेत समूहले लखेटेको दाबी

काठमाडौं । ‘हामी नेपाल’का संयोजक तथा जेनजी आन्दोलनका अगुवा सुदन गुरुङमाथि बुधबार एक समूहले आक्रमणको प्रयास गरेका छन् ।

गुरुङका अनुसार, बुधबार बुधबार रानीबारीदेखि नयाँ बानेश्वरसम्मका विभिन्न स्थानमा पल्सर र होन्डा बाइकमा सवार समूहले उनलाई पछ्याएको थियो । त्यसपछि बीचमा दुईवटा गाडी थपिएर पच्छ्याएको बताए।

मंगलबारदेखि नै उनलाई एक अपरिचित समूहले पछ्याइरहेको गुरुङले बताए । एमाले पोलिटब्युरो सदस्य महेश बस्नेत निकट दावी गर्ने समूहले आफूलाई आक्रमणको प्रयास गरेको गुरुङले जनाएका छन् ।

बस्नेतले गुरुङलाई विदेशी दलालको संज्ञा दिँदै आएका छन् । केही दिनअघि उनले सामाजिक सञ्जालमा लेख्दै ओरिजिनल बाउको छोरा वा आमाको दूध खाएको भए आफूले बोलेको कुरा गरेर देखाउन चुनौती दिएका थिए ।

बस्नेतले मिसन प्रेरित पैसा कमाउनका लागि जेन जी आन्दोलनमा मिनरल वाटर बाँडेको आरोप लगाएका छन् ।