संवैधानिक परिषदमा बहुमत पुर्याउन उपसभामुख इन्दिरा रानालाई हटाउने तयारी

काठमाडौं । सत्तारुढ दुई मुख्य दल नेपाली कांग्रेस र नेकपा एमालेले प्रतिनिधिसभाका उपसभामुख इन्दिरा रानालाई हटाउन आ आफ्ना संसदीय दलका बैठक बोलाएका छन् ।

दुबै दलले आकस्मिक बैठक बोलाएका छन् । संवेधानिक परिषदमा अल्पमतमा परेकाले उपसभामुखमाथि महाभियोग लगाएर हटाउने खेलमा लागेका छन् । त्यसका लागि दुईतिहाई बहुमत पुर्याउन अरु पार्टीसँग सरकारमा रहेका कांग्रेस–एमालेले छलफल अगािड बढाएका छन् ।

एमालेले सांसदहरूको हस्ताक्षर संकलनका लागि बैठक बोलाइएको जनाइएको छ ।

यता, नेपाली कांग्रेसले पनि सभापति शेरबहादुर देउवाको बुढानीलकण्ठस्थित निवासमा शीर्ष नेताहरूको बैठक बोलाएका छन् । बैठकपछि संसदीय दलको बैठक पनि बस्नेछ ।

राना, जो राष्ट्रिय स्वतन्त्र पार्टी रास्वपा) को कोटाबाट उपसभामुख बनेकी छन्, उनको आचरणमाथि प्रश्न उठाउँदै यी दुई दलले उनलाई हटाउने रणनीति बनाएका छन् । प्रतिनिधि सभामा कांग्रेसका ८८ र एमालेका ७९ सांसद छन्, जुन दुई तिहाइका लागि अपर्याप्त छ । साना दलहरूको समर्थनबिना उपसभामुख हटाउन सम्भव नहुने देखिन्छ ।

गत वर्ष पनि यस्तै प्रयास असफल भएको थियो, जसपा नेपाल र जसपाले सहयोग नगरेपछि सो प्रयास असफ भएको हो । रास्वपाले उपसभामुख हटाउने कुनै कदम भए त्यसको सशक्त प्रतिवाद गर्ने चेतावनी दिएको ।

उपसभामुख राना हाल अमेरिकामा व्यक्तिगत भ्रमणमा छन् र भदौ १३ मा फर्कने कार्यक्रम छ । यसबीच, संवैधानिक परिषद्मा आफू अनुकूल नियुक्तिका लागि रानालाई हटाउन खोजिएको रास्वपाको आरोप छ ।