कांग्रेसको केन्द्रीय समिति बैठक बस्दै, शोक प्रस्ताव पारित गर्ने

काठमाडौं । नेपाली कांग्रेसको आकस्मिक केन्द्रीय कार्यसमितिको बैठक बस्दैछ ।

आज बिहान ८ः३० बजे पार्टी केन्द्रीय कार्यालय सानेपामा बस्नेगरी आकस्मिक केन्द्रीय समिति बैठक बोलाएको हो ।

बैठकमा केन्द्रीय कार्यसमितिका पदाधिकारी, सदस्य एवं आमन्त्रित सदस्यलाई बोलाइएको छ ।

तर, यसअघि कांग्रेसले पूर्वनिर्धारित बैठक असार १५ गते बस्ने गरी बोलाएको थियो ।

पूर्वमन्त्री ढुण्डीराज शास्त्रीप्को निधन भएपछि आकस्मिक रूपमा सो केन्द्रीय समिति बैठक बोलाइएको बुझिएको छ। बैठकमा शोक प्रस्ताव पारित गरिने बुझिएको छ।

शास्त्रीको पार्थीव शरीरलाई भोलि बिहान ९ः०० देखि ११ः०० बजेसम्म पार्टीको केन्द्रीय कार्यालयमा श्रद्धाञ्जलीका लागि राख्ने र त्यहीबाट शवयात्रा सुरु गरिनेछ भने शास्त्री २०४८ र २०५१ मा शास्त्री अर्घाखाँची निर्वाचन क्षेत्र नम्बर २ बाट प्रतिनिधिसभा सदस्यमा निर्वाचित भएका थिए ।