परराष्ट्र मन्त्री ज्ञवालीलाई भारतको स्पष्ट सन्देश: सीमा बिबाद हल नगरेसम्म नेपालसँग ठोस कुराकानी नगर्ने

काठमाडौं । भारतले सिमा बिवाद हल नभएसम्म नेपालसँग कुराकानी नहुने स्पष्ट पारेको छ । हालै परराष्ट्रमन्त्री प्रदीप ज्ञवालीको भारत भ्रमणमा  प्रधानमन्त्री नरेन्द्र मोदीले परराष्ट्रमन्त्रीलाई भेट्न अस्वीकार गरि सिमा बिवाद हल नभएसम्म नेपालसँगको सम्बन्ध सुधार नहुने स्पष्ट सन्देश दिएका छन् ।

नेपालले कालापानी, लिम्पीयाधुरा , लिपुलेख समेटेर नयाँ राजनितिक नक्सा जारी गरेपछि भारतसँगको सम्बन्ध टुटेको थियो । मन्त्री ज्ञवालीले काठमाडौं ओर्लिने बित्तिकै आफ्नो भारत भ्रमण सफल भएको भनेर दाबी गरेपनि यथार्थमा भ्रमण सफल हुन सकेन् । भारतसँग चिसोपना रहेको सिमा विवादसम्बन्धी मुद्दा ज्ञवालीले आफ्नो भ्रमणको क्रममा जोडदार रुपमा उठाउन सकेनन् । पछिल्लो समय नेपाल–भारत द्धिपक्षीय उच्चस्तरीय भ्रमणहरुको आदानप्रदान भैरहेको छ । तर, भारतसँग विवाद रहेको सिमासम्बन्धी विषय समाधान गर्न भने भारत त्यति सकारात्मक देखिएको छैन् ।

भारतसँगको सिमा विवाद वार्ता तथा सम्वादमार्फत हल गर्ने दाबी गर्दै आएका मन्त्री ज्ञवालीले भने यसपटकको आफ्नो भ्रमणलाई त्यस सम्बन्धमा उपयोग गर्न सकेनन् । कुटनीतिक क्षेत्रका जानकारहरुले ज्ञवाली भारत भ्रमणको क्रममा फिक्का साबित भएको र वजनदार रुपमा प्रस्तुत हुन नसकेको टिप्पणी गर्न थालेका छन् ।

 मन्त्री ज्ञवालीले सिमा विवादबारे समकक्षीसँग पनि राम्रो कुरा राख्न नसकेको आरोप छ । तीनदिने भारत भ्रमणमा रहेको परराष्ट्रमन्त्री ज्ञवाली र उनका समकक्षी जयशंकरबीच नयाँदिल्लीस्थित हैदरावाद हाउसमा भेटवार्ता भएको थियो । नेपाल–भारत परराष्ट्र मन्त्रीस्तरीय संयुक्त आयोगको छैठौं बैठकमा सिमा विवादसम्बन्धी कुनै कुरा नगर्ने सहमति भएको थियो ।