चार कम्पनी कालोसूचीमा परे

काठमाडौं । चार निर्माण कम्पनीकालोसूचीमा परेका छन् । सार्वजनिक खरिद अनुगमन कार्यालयले ती कम्पनीलाई कालोसूचीमा राखेको हो ।

कालोसूचीमा पर्ने कम्पनीहरुमा एस.डी. कन्स्ट्रक्सन जनकपुर, अरनिको निर्माण कम्पनी काठमाडौं, मनकामना सप्लायर्स भोजपुर र आर.एस.ए. कन्स्ट्रक्सन काठमाडौं छन् ।

जिल्ला समन्वय समिति बाराको सिफारिसमा एस.डी. कन्स्ट्रक्सनलाई कालोसूचीमा राखिएको छ । संघीय सडक सुपरीवेक्षण तथा अनुगमन कार्यालय अन्तर्गतको सालझुण्डी–सन्धिखर्क–ढोरपाटन सडक योजना अर्घाखाँचीको सिफारिसमा

अरनिको निर्माण कम्पनीलाई ३ बर्षका लागि कालोसूचीमा राखिएको छ ।

यसैगरी रामशरण अधिकारी मुख्य व्यक्ति भएको आर.एस.ए. कन्स्ट्रक्सनलाई डेढ बर्षका लागि कालोसूचीमा राखिएको छ । भोजपुरको पौवादुङ्मा गाउँपालिकाको सिफारिसमा मनकामना सप्लायर्स कालोसूचीमा परेको छ भने नुवाकोटको पञ्चकन्या गाउँपालिकाको सिफारिसमा आर.एस.ए. कन्ष्ट्रक्सन कालोसूचीमा परेको छ । यी तीनवटै कम्पनीलाई १ बर्षका लागि कालोसूचीमा राखिएको छ ।

निर्माणकार्यको जिम्मा लिने भनेको समयमा काम नसक्ने, तोकिएको गुणस्तर अनुसारको काम नगर्ने कम्पनीहरुलाई सम्बन्धित कार्यालयको सिफारिसमा सार्वजनिक खरिद अनुगमन कार्यालयले कालोसूचीमा राख्ने गर्दछ । कम्पनीहरुले कालोसूचीमा परेपछि त्यस अवधिभर सार्वजनिक निकायका कुनै पनि खरिद प्रक्रियामा भाग लिन पाउँदैनन् ।