प्रकाशमानलाई बालेनको प्रहारः गणेशमानको इतिहास माटोमा नमिसाउनुहोला

काठमाडौं । सहरी विकास मन्त्री प्रकाशमान सिंहलाई काठमाडौं महानगरपालिकाका मेयर बालेन साहले सामाजिक संजालमा कडा प्रहार गर्दै स्टाटस लेखेका छन् ।

मेयर बालेनले अव्यवस्थित बस्ती हटाउने, कपन खोलालाई व्यवस्थित गर्ने, बालमन्दिर बचाउने, सार्वजनिक सम्पत्ति जोगाउने प्रयासमै सीमित रहेको भन्दै कहिले गर्ने भनेर प्रश्न गरेका छन् ।

साहले लेखेका छन्–‘माननीय सहरी विकास मन्त्री प्रकाशमान सिंहज्यू,

अव्यवस्थित बस्ती हटाउने, कपन खोलालाई व्यवस्थित गर्ने, बालमन्दिर बचाउने, सार्वजनिक सम्पत्ति जोगाउने प्रयास गर्ने कुरा सधैं कुरामै रह्यो । कहिले गर्ने हो ?

मलाई हराउने नाममा आफ्नो शहर, क्षेत्र र देश चाहिँ नहराउनु होला । यत्रो गणेशमान सिंह, पी.एल. सिंह र नेपाली कांग्रेसको इतिहास माटोमा नमिसाउनु होला ।’