काठमाडौंको झोरबाट २५ करोड नगद बरामद, नगद बोकेर केरुङतर्फ जाँदैथियो ट्रक

काठमाडौं । काठमाडौंको टोखास्थित झोरबाट नेपाल प्रहरीको उपत्यका अपराध अनुसन्धान कार्यालयले २५ करोड रुपैयाँ बरामद गरेको छ । सोमबार राति उपत्यका अपराध अनुसन्धान कार्यालयको टोलीले प्रहरीले अमेरिकी डलरसहित २५ करोड रुपैयाँ बरामद गरेको हो ।

चीनको केरुङ जाने तयारीमा रहेको ना १ ख १६५२ नम्बरको ट्रक नियन्त्रणमा लिएका थियो । उक्त ट्रकमा नेपाली रुपैयाँ, अमेरिकी डलर, युरो गरी करिब २५ करोड नगद भेटिएको बताइएको छ । प्रहरीले ट्रक चालक कुसाङ लामासहित २ जनालार्ई नियन्त्रणमा लिएको छ ।

उक्त रकम कुन प्रयोजनमा केरुङ लैजान लागिएको थियो भन्ने नखुले पनि प्रारम्भिक अनुसन्धानबाट सुन तस्करीको भएको प्रहरी स्रोतले जनाएको छ ।