दाेबाटाेमा कांग्रेस : प्रतिगमनमा साथ दिने कि संविधानकाे रक्षार्थ आन्दाेलनमा जाने?

काठमाडाैं । सरकारकाे सिफारिसमा राष्ट्रपति विद्यादवी भण्डारीले प्रतिनिधिसभा विघटन गरेपछि सत्तारूढ दल नेकपा दुई चिरामा विभाजित छ । यता प्रमुख प्रतिपक्ष नेपाली कांग्रेस पनि त्यसैकाे सिराेपर गरेझै दुई धारमा नै देखिएकाे छ ।

सभापति शेरबहादुर देउवाले पार्टीमा दाेहाेराे भूमिका खेलेकाे भन्दै चर्काे विराेध हुने गरेकाे छ। कांग्रेस विरष्ठ नेता रामचन्द्र पाैडेल लगायतका नेताहरूले देउवाकाे भूमिकाप्रति चित्त बुझाएका छैनन् । उनीहरूले पार्टीकाे केन्द्रीय समितिमा देउवाकाे खुलेर बिराेध गरेका छन् ।

बिशेषगरी देउवाले संवैधानिक नियुक्तिमा भागवण्डा गरेकाे पाैडेल पक्षकाे आराेप छ । आज बस्ने केन्द्रीय समितिकाे बैठकमा समेत यी विषय छलफलका लागि उठाउने पाैडेल पक्षले तयारी गरेकाे छ ।

संसद विघटनबारे छलफल गर्न केन्द्रीय कार्यसमितिको बैठकले आइतबारदेखि फेरि निरन्तरता पाए पनि तत्काल कुनै निर्णय भने नहुने कांग्रेसको संस्थापन पक्षका नेताहरुले बताएका छन्।

प्रतिनिधिसभा विघटन सभापति देउवाको मिलोमतोमा भएको आरोप लागेको अवस्थामा संस्थापन पक्षले त्यसलाई बल पुग्ने गरी केन्द्रीय समितिको बैठक लम्ब्याउने तथा ठोस निर्णय नगर्ने योजना बनाएको देखिन्छ ।

वरिष्ठ नेता रामचन्द्र पौडेल पक्षधरले प्रतिनिधिसभा पुनःस्थापनाको माग गर्दै आक्रामक रुपमा सडक आन्दोलनमा जानुपर्ने बताइ रहे पनि संस्थापन पक्ष भने सर्वोच्च अदालतको निर्णय कुर्ने बहानामा ‘छलफल गर्ने तर निर्णय नगर्ने’ रणनीतिमा छ ।