काठमाडौंको गुर्जुधारामा टिपर दुर्घटना, दुई जनाको मृत्यु

काठमाडौं । चन्द्रागिरि नगरपालिका–१२,  गुर्जुधारामा टिपरको ठक्करबाट दुई जनाको मृत्यु भएको छ ।

टिपर दुर्घटनामा मृत्यु हुनेमा धादिङको गल्छी घर भइ थापथली बस्ने २७ वर्षीय अभय लामा र चितवन घर भइ गुर्जुधारा बस्ने २५ वर्षीय सुभास गमाल छन् । दुवैको घटनास्थलमै मृत्यु भएको राउतले बताए ।महानगरीय प्रहरी प्रभाग, बलम्बुका प्रहरी निरीक्षक खेमराज राउतका अनुसार बुधबार राति १० बजेतिर बा ४ ख २५७७ नम्बरको टिपरले काठमाडौं आयल स्टोर नजिकै बाटो काट्दै गरेका लामा र गमाललाई ठक्कर दिएको थियो ।

उनीहरु एक होटल व्यवसायीको पार्टीमा गएर फर्किएका थिए । टिपर र चालक रामचन्द्र थापा प्रहरीको नियन्त्रणमा छन् ।