हाजिर हुनुअघि नै काँग्रेस नेताको शरणमा एसपी कार्की

काठमाडौं । केही दिनअघि जिल्ला प्रहरी कार्यालय सिन्धुपाल्चोकमा सरुवा भएका एक प्रहरी अधिकृतले सत्तारुढ पार्टीका सांसद तथा काँग्रेस केन्द्रीय सदस्यको घरमै पुगेर आशीर्वाद लिएको घटनाले खुवै चर्चा पाएको छ ।

फौजी अनुशासन र प्रहरी सेवाबिरुद्ध भएको यो घटनाले नेपाल प्रहरीको छविमा आँच पुगेको बिभिन्न प्रतिक्रिया आउन थालेको छ । सिन्धुपाल्चोकबाट केही दिनअघि त्यहाँ कार्यरत एसपी सन्तोष खड्काको सरुवा भएको थियो । उनको ठाउँमा काठमाडौंमा कार्यरत रामेश्वर कार्की सरुवा भएका थिए । तर, उनी कार्यक्षेत्र नजाँदै नेपाली काँग्रेसका केन्द्रीय सदस्य तथा सिन्धुपाल्चोक क्षेत्र नम्वर २ का सांसद मोहनबहादुर बस्नेतको निवासमा पुगेर आशीर्वाद लिएको तस्वीर सामाजिक सञ्जालमा व्यापक भएको छ ।

नेपाली काँग्रेसका एक कार्यकर्ता रामकुमार थापाले फेसबुकमा हालेको तस्वीरमा एसपी कार्की खादा लगाएर उभिएको देखिन्छ । थापाले फेसबुकमा मोहन बस्नेतको सिफारिस र समन्वयमा एसपी कार्की सिन्धुपाल्चोक सरुवा भएको उल्लेख गरेका छन् । उनको फेसबुकमा अधिकांशले एउटा नेताको सिफारिसमा जिल्ला जाने प्रहरी अधिकृतले कस्तो काम गर्लान् भनेर प्रतिक्रिया लेखेका छन् ।

काबिल प्रहरी अधिकृतका रुपमा चिनिए पनि कार्कीले बस्नेतको घरमै पुगेर खादा लगाउनुले उनी कार्की काँग्रेसी कार्यकर्ताको तहमा ओर्लिएको प्रतिक्रिया आउन थालेको छ ।

११ माघ, २०८१ मा भएको १७ एसपीको सरुवा भएको थियो । जसमा कार्कीको सिन्धुपाल्चोकमा सरुवा भएका थिए । हाजिर