भीम रावल धनगढी पुग्दा समर्थकले गरे ओलीविरुद्ध नाराबाजी

काठमाडौं – नेकपा एमालेका पुर्व नेता भीम रावल धनगढी पुगेका छन् । नेकपा एमालले कारबाही गरेपछि अलग्गै राजनीतिक यात्रा थालेका रावल आज बिहान धनगढी पुगेका हुन् ।

नेता रावललाई उनका समर्थकहरूले धनगढी विमान स्थलमा स्वागत गरेका छन् । रावलका पक्षमा जिन्दावादको नारा लगाएका उनका समर्थकले एमाले अध्यक्ष एवं प्रधानमन्त्री केपी शर्मा ओलीविरुद्ध मुर्दावादको नारासमेत लगाएका थिए ।

भ्रमणको क्रममा नेता भीम रावलले आफ्ना समर्थकहरूलाई भेटघाट गर्ने र अत्तरियामा आयोजित कार्यक्रमलाई सम्बोधन गर्ने कार्यतालिका छ । सो कार्यक्रम सकेपछि उनी अछाम जानेछन् । पार्टी नेतृत्वविरुद्ध प्रश्न उठाएपछि एमालेले रावललाई साधारण सहस्यसमेत नरहने गरी पार्टीबाट हटाएको थियो ।