मन्त्री पद नपाएपछि प्रचण्ड-माधव समूहतिर लागे छक्कबहादुर लामा

काठमाडौं । हुम्लाका सांसद छक्कबहादुर लामा केपी ओली समुह छाेडेर नेकपा प्रचण्ड-माधव समूहमा लागेका छन् ।

सत्तारुढ नेपाल कम्युनिस्ट पार्टी (नेकपा) फुट्दा ओली समूहमा लागेका उनलाई केन्द्रीय सदस्य बनाइएको थियो । तर केन्द्रीय सदस्य पद परित्याग गरी नेकपाको प्रचण्ड-नेपाल समूहमा आएको उनले बताएका छन् ।

स्राेतका अनुसार लामा मन्त्री पद नपाएपछि प्रचण्ड-माधव समूह तिर लागेका हुन्।

स्राेतले भन्याे,’ लामाले प्रधानमन्त्री ज्यूसँग मन्त्री पदकाे बार्गेनिङ गरेका थिए, मन्त्री पद नपाएपछि उनी प्रचण्ड-माधव समूह तिर लागेका हुन्।’

लामाले शनिबार वक्तव्य जारी गर्दै पार्टीमा आएको विभाजनले आफूलाई दुःखी बनाएको पनि बताए।