सशस्त्र प्रहरीद्वारा स्रोत नखुलेको ६ लाख बरामद

जलेश्वर । सशस्त्र प्रहरी बल बिओपी मटिहानी महोत्तरीको टोलीले स्रोत नखुलेको ५ लाख रुपैयाँ बरामद गरेको छ ।

बिहीबार महोत्तरीको मटिहानी नगरपालिका–८, सीमा इलाकामा मटिहानी बीओपीबाट खटिएको सशस्त्र प्रहरी सहायक हवल्दार नवराज काफ्लेको टोलीले भारतबाट नेपालतर्फ आउँदै गरेको २–०२–००५ प ५१६३ नम्बरको मोटरसाइकल चेकजाँच गर्ने क्रममा उक्त रकम बरामद गरेको हो ।

भारतको मधुवनी मधवापुर ग्रामपन्चायत ६ रवि कुमारको साथबाटस्रोत नखुलेको उक्त ५ लाख नेपाली रुपैयाँ फेलापरेको सशस्त्र प्रहरीले जनाएको छ ।

सशस्त्र प्रहरी बल बिओपी मटिहानीले ४ महिनाको बीचमा स्रोत नखुलेको २४ लाख ५० हजार ९९४ रुपैयाँ बरामद गरेको छ । बीओपी मटिहानीले २०८१ असोज १७ गते १० लाख बरामद गरेको थियो । २०८१ कात्तिक २ गते ६ लाख २०८१ मंसिर २४ गते रु ३, लाख ५० हजार ९९४ रुपैयाँ बरामद गरेको थियो ।