६ महिनाभित्र ५ प्रतिशत पार्टी सदस्यता बढाउने माओवादीको कार्ययोजना

काठमाडौँ – नेकपा माओवादी केन्द्रले आगामी ६ महिनाभित्र ५ प्रतिशत पार्टी सदस्यता बढाउने कार्ययोजना अगाडि सारेको छ ।

पार्टीको केन्द्रीय समितिको बैठकमा राजनीतिक प्रतिवेदन पेस गर्दै पार्टी अध्यक्ष पुष्पकमल दाहाल ‘प्रचण्ड’ले यस्तो योजना अगाडि सारेका हुन् ।

प्रस्तुत राजनीतिक प्रतिवेदनमा भनिएको छ, ‘हरेक समितिले आगामी ६ महिनाभित्र कम्तिमा संगठित सदस्यता ५ प्रतिशत र आम सदस्यता १० प्रतिशत वृद्धि गर्ने गरी अभियानात्मक कार्यक्रम सञ्चालन गर्नुपर्छ ।’

नयाँ पार्टी सदस्यता वितरण कार्य नियमित कार्य र हरेक पार्टी सदस्यले यसलाई महत्त्वपूर्ण कार्यसूची बनाउनुपर्ने पनि भनिएको छ । आगामी ९ महिनाभित्र सबै सदस्यको विवरण अनलाइन डिजिटल माध्यममा ल्याइसक्ने पनि कार्ययोजना छ ।