सर्वोच्च बारमा डीएलएका मेघराज पोखरेलको प्यानलै बिजयी, पीपीएलए पत्तासाफ

काठमाडौं । सर्वोच्च अदालत बार एशोसिएसनमा मेघराज पोखरेल नेतृत्वको प्यानलै बिजयी भएको छ । डेमोक्रेटीक लयर्स एशोसिएसन(डीएलए) र नेकपा एकीकृत समाजवादी निकट एसपीएलएको गठबन्धनका अध्यक्षका उम्मेदवार पोखरेलले ३ सय ६८ मत ल्याएर बिजयी भएका छन् ।

शनिबार भएको निर्वाचनमा पोखरेलले दोब्बर मतले नेकपा एमाले निकट पीपीएलए र माओवादीनिकट आरपीएलएका अध्यक्षका उम्मेदवार महेश थापालाई पराजीत गरेका छन् । थापाले १ सय ८१ मत मात्र पाएका छन् । अध्यक्षका अर्का उम्मेदवार प्रेमसिंह धामीले १५ मत प्राप्त गरेका छन् ।

पोखरेलको समूहबाट उपाध्यक्षमा अमरबहादुर राउत, सचिवमा रमणकुमार कर्ण, सहसचिवमा पुन्देवी महर्जन, कोषाध्यक्षमा रामचन्द्र पौडेल बिजयी भएका छन् ।

त्यसैगरी सदस्यहरुमा शशी बस्नेत महिला र खल्ला सदस्यहरुमा दुर्गामोहन श्रेष्ठ, प्रदीपकुमार श्रेष्ठ, नागेश्वरप्रसाद चौधरी, निर्मलप्रसाद उपाध्याय, ओमकृष्ण श्रेष्ठ, प्रमोद रेग्मी, प्रदीपकुमार राजबंशी र सतिशराज मैनाली बिजयी भएका छन् ।

खुल्ला सदस्यमा जितेका सतिश मैनाली माओवादीनिकट आरपीएलएका हुन् ।

सर्वोच्च अदालत बार एशोसिएसन निर्वाचनमा कसले कति मत पाए ?