पूर्वन्यायाधीश प्रकाश वस्तीको निधन

काठमाडौँ । सर्वोच्च अदालतका पूर्वन्यायाधीश प्रकाश वस्तीको निधन भएको छ । हृदयाघातका कारण शुक्रबार राति बस्तीको निधन भएको हो ।

हृदयघात भएपछि उनलाई थापाथलीस्थित नर्भिक अस्पतालमा लगिएको थियो । उनको शव अहिले अस्पतालमै रहेको छ । करिब ६ वर्ष सर्वोच्च अदालतको अतिरिक्त न्यायाधीश भएका उनलाई तत्कालीन कानुन मन्त्री नरहरि आचार्यले न्यायाधीशमा नियुक्ति नगरी अवकाशमा जान बाध्य पारेका थिए ।

नरहरि आचार्यले गोपालप्रसाद पराजुली, दीपकराज जोशी, चोलेन्द्रशमशेर जबरालाई सर्वोच्च अदालतमा न्यायाधीश नियुक्ति गरेर वस्तीलाई अवकाशमा जान बाध्य बनाएका थिए । न्यायाधीशका रुपमा वस्तीले गरेका फैसला विवादरहित थिए । उनी स्वच्छ छवि कायम गर्दागर्दै अस्थायी न्यायाधीशबाट बिदा हुनुमा सूर्यनाथ उपाध्याया अख्तियार दुरुपयोग अनुसन्धान आयोगरका प्रमुख हुँदा त्यहाँ उनी कानुनी सल्लाहकारका रुपमा रहनुलाई लिने गरिएको छ । अख्तियारले कांग्रेस नेताहरु खुमबहादुर खड्का, गोविन्दराज जोशी, जेपी गुप्ताहरुलाई भ्रष्टाचारमा मुद्दा चलाएको थियो ।

कांग्रेसले वस्तीजस्ता निष्कलंक न्यायाधीशलाई अस्थायीबाटै बिदा गरी न्यायिक इतिहासमै विवादित र भ्रष्ट छवि भएकाहरुलाई सर्वोच्च अदालतमा प्रवेश गराएको थियो ।