रविसहित ४ जनालाई अदालत उपस्थित गराइयो, बयान छविको सकिएपछि मात्रै

काठमाडौं – पूर्वगृहमन्त्री रवि लामिछानेसहित चार जनालाई आज (मंगलबार) जिल्ला अदालत कास्कीमा उपस्थित गराइएको छ ।

सहकारी ठगी प्रकरणमा मुद्दा दायर भएका रवि लामिछाने, छविलाल जोशी, लिला पछाई र रामबहादुर खनाललाई अदालत उपस्थित गराएको हो । चार जनालाई अदालत उपस्थित गराइए पनि छविलाल जोशीको मात्रै बयान भइरहेको छ ।

छविको बयान हुँदा अरुलाई जिल्ला अदालतमै राखिएको छ । छविको बयान सकिएपछि मात्रै अरूको सुरु हुनेछ ।

रविसहितको सहकारी ठगीका आरोपीको न्यायाधीश नीतिज राईको इजलासमा सोमबारदेखि बयान सुरू भएको हो । उनीहरूविरुद्ध सहकारी ठगीका साथै संगठित अपराध र सम्पत्ति शुद्धीकरणमा पनि मुद्दा चलाइएको छ ।