विद्युतीय सवारी आजको आवश्यकता : भौतिक मन्त्री

काठमाडौँ – भौतिक पूर्वाधार तथा यातायातमन्त्री देवेन्द्र दाहालले अटो व्यवसायीलाई देशमै एसेम्बल मात्र नभई उत्पादनतर्फ पनि लाग्नुपर्नेमा जोड दिएका छन् ।

नाडा अटोमोबाइल्स एसोसिएसन अफ नेपालको ४८औँ वार्षिक साधारण सभामा मन्त्री दाहालले विद्युतीय सवारी आजको समयको महत्त्व र आवश्यकता दुवै भएको बताए ।

‘विद्युतीय सवारीसाधनका लागि सरकारले पूर्वाधार ब्याकअपको काम गरिरहेको छ । यसलाई सरकारले गम्भीर रूपमा लिएको छ,’ उनले भने । मन्त्री दाहालले ब्याट्री व्यवस्थापनका विषयमा पनि सरकारले ध्यान दिएको बताए ।

‘ब्याट्री व्यवस्थापनमा चुनौती छ तर यसमा आत्तिहाल्ने विषय भने होइन, संसारभरिको चुनौती हो,’ उनले भने, ‘सरकारले बनाउने नीतिका विषयमा व्यवसायी र सरकारबीच छलफल हुनुपर्छ ।