संसद विघटनविरुद्ध सर्वोच्चमा ८ वटा रिट निवेदन दर्ता

काठमाडौं। संसद विघटनविरुद्ध सर्वोच्च अदालतमा ८ वटा रिट निवेदन दर्ता भएका छन् ।

आइतबार ३ वटा र सोमबार दिउँसोसम्म थप ५ वटा रिट गरी ८ वटा रिट निवेदन दर्ता भएको हो । आइतबार संसद विघटनविरुद्ध अधिवक्ता कञ्चनकृष्ण न्यौपाने, सुलभ खरेल र लोकेन्द्रबहादुर ओलीले रिट पेश गरेका थिए । रिट निवेदन पर्नेक्रम जारी रहेको जनाइएको छ ।

मन्त्रिपरिषदको सिफारिसमा राष्ट्रपति विद्यादेवी भण्डारीले संसद विघटन गरेपछि यसका विरुद्धमा अदालतमा यति ठूलो संख्यामा रिट परेको हो ।

संविधानमै उल्लेख नभएको अधिकार प्रयोग गरी प्रधानमन्त्रीले संसद विघटन गरेको भन्दै संविधानविद्हरुले ‘असंवैधानिक’ कदम भएको बताएका छन् ।