रवि लामिछानेलाई बुद्ध एयरको विमानबाट पोखरा पुर्‍याइयो

काठमाडौं – पूर्वगृहमन्त्री एवं रास्वपा सभापति रवि लामिछानेलाई बाराको सिमराबाट काठमाडौं हुँदै हवाइमार्गबाट पोखरा पुर्‍याइएको छ । उनलाई बुद्ध एयरको विमानबाट काठमाडौंबाट पोखरा लगिएको हो ।

वीरगञ्जको सानो पाइला बचत तथा ऋण सहकारी संस्थामा बचकर्ताको रकम हिनामिना गरेको आरोपमा बयानका लागि लगिएको पर्सा लगिएको थियो । सोमबार पोखराबाट काठमाडौं हुँदै सिमरा एयरपोर्टबाट पर्सा पुर्याइएका लामिछानेलाई मंगलबार वयान सकेर आज पुन पोखरा पाठाएको प्रहरीले जनाएको छ ।

लामिछाने जोडिएको सहकारी ठगी प्रकरणको अनुसन्धान प्रहरीले अन्तिम चरणमा पुगेको प्रहरीले जनाएको छ ।
केन्द्रीय अनुसन्धान ब्यूरो (सीआईबी) का प्रमुख दिपक थापाका अनुसार, सबैतिर बयान सकिएसँगै प्रहरीले लामिछाने जोडिएको संगठित अपराध, सहकारी ठगी र सम्पत्ति शुद्धीकरणको अनुसन्धान लगभग अन्तिम चरणतिर पुर्‍याएको छ ।

पोखराको सूर्यदर्शन सहकारीबाट सुरु भएको लामिछानेमाथिको अनुसन्धानपछि अरु चार सहकारी अनियमितताको छानबिनसम्म पुगेको थियो । सूर्यदर्शनसँगै रुपन्देहीको सुप्रिम सहकारी, काठमाडौंको स्वर्णलक्ष्मी सहकारी, चितवनको सहारा चितवन र वीरगञ्जको सानो पाइला सहकारीमा बचतकर्ताको रकम अनियमिततामा प्रहरीले लामिछानेसँग बयान लिएको छ ।

लामिछानेलाई कार्तिक २ गते बनस्थलीस्थित पार्टी कार्यालयबाटै नियन्त्रणमा लिएर जिल्ला प्रहरी कायौलय कास्कीको हिरासतमा राखिएको थियो ।